Déi amerikanesch Filmindustrie wier amgaangen auszestierwen, dowéinst géif hien elo Filmer, déi net an den USA produzéiert goufen, mat 100 Prozent taxéieren, esou den US-President.
Den Donald Trump huet och annoncéiert, datt dee berüchtegte Prisong vun Alcatraz nees opgoe soll. De Prisong, op enger klenger Insel an der Bucht vu San Francisco, gouf 1963 zougemaach an ass haut eng Touristen-Attraktioun.
Hien hätt déi zoustänneg Servicer gefrot Alcatraz ze moderniséieren an nees opzemaachen, fir do besonnesch geféierlech Krimineller ënnerzebréngen, esou den Donald Trump.
