De Produzent a Multi-Instrumentalist aus Beyrouth Charif Megarbane ass inspiréiert vun de Soundtrack-Komponiste wéi z. B. engem François de Roubaix, der library music aus de 60er a 70er Joren, awer och nach vun engem Fela Kuti, der psychedelescher Musek ë. a. Hei héiere mir e Virgeschmaach op säin neien Album "Marzipan".
A wa mir scho beim Berliner Reissue-Plackelabel Habibi Funk sinn, da verdanke mir och dësem d'Publikatioun vun enger rarer Pärel aus de 70er: dem libanesesche Singer-Songwriter a Gittarist Rogér Fakhr seng Kompositiounen, déi de Label festgehale huet um Album "Fine Anyway". 17 Titele vum Rogér Fakhr, dorënner e puer Inediten, opgeholl tëschent Beyrouth a Paräis an de 70er Joren. E Folk-Bijou, deen déi Zäit per Hand op ëm déi 200 Kassette kopéiert gouf.
Si huet mat Museker:inne wéi engem/r Pharaoh Sanders, Charlie Haden, Lauryn Hill, John Legend, oder The Roots zesummegeschafft. Déi New-Yorker Harfistin Brandee Younger entdecke mir hei mat hirem neien Album "Brand New Life".
Nach e weidere Virgeschmaach op en neien Album, deen am August erauskomme soll, ass dem excellente kubanesche Pianist Harold López-Nussa säin "Timba a la Americana".
Decouverte dës Kéier ass en neien Album, deen als Ausgangspositioun d'Theema vun der Immigratioun huet. D'Artistin Melanie De Biasio huet sech engem Deracinnement an enger Retraite ausgesat fir besser fillen, noempfannen ze kennen ... "Il Viaggio" gëtt fir den 13 Oktober ugekënnegt.
Eng weider Aktualitéit ass déi vum Paräisser Kollektiv Cotonete mam Album "Victoire de la Musique", deen de 6. Juni erauskoum. Dësem Kollektiv vu Museker-Frënn ass et wichteg de Live-Feeling vum brasilianeschen Jazz-Funk aus de 70er oder dee vun engem Herbie Hancock opliewen ze loossen. Si hu laang gewaart, éier si hire Groove och op Disk festgehale hunn. Et erwaart eis en hypnoteschen Jazz-Funk Maelström.
Playlist:
Charif Megarbane - Souk el Ahad - Marzipan
Rogér Fakhr - Everything You Want - Fine Anyway
James Gang - Ashes the Rain and I - Rides Again
Kronos Quartet & Laurie Anderson - Our Street Is a Black River - Landfall
Brandee Younger - Running Game - Brand New Life
Harold López-Nussa - Funky - Timba a la Americana
Nora Kamm - Cœur (feat. Nguyên Lê) - One
Wolfgang Haffner - Libertango (feat. Ulf Wakenius, Sebastián Studnitzky & Vincent Peirani) - Kind of Tango
Melanie De Biasio - We Never Kneel To Pray - Il Viaggio
Adam Baldych & Yaron Herman - June - The New Tradition
Dhafer Youssef - Street of Minarets (feat. Ambrose Akinmusire, Nguyên Lê, Dave Holland, Adriano Tenorio DD & Vinnie Colaiuta) - Street of Minarets
Leron Thomas & Cotonete - Day In Day Out - Day In Day Out
ARIFA - Dream Keeper - Secret Poetry