Sculpteur De Lionel Sabatté um Wandhaff an op der Art Brussels

De Fransous Lionel Sabatté ass 1975 zu Toulouse gebuer, huet tëschent sengem 10. a sengem 20. Liewensjoer op der Île de La Réunion gelieft a war dunn an engem éischte Beruffsalldag Sportscoach. D'Ausdauer, d'Loscht eppes ze leeschten, huet hie mat a seng zweet Carrière geholl: de Sabatté huet op der Paräisser Ecole nationale des Beaux-Arts nach emol alles ginn, 2003 ofgeschloss an 2011 eng Aart Duerchbroch als Moler a Sculpteur erlieft.

Kerstin Thalau / cbi

Lionel Sabatté bei Ceysson & Bénétière
De Lionel Sabatté bei Ceysson & Bénétière

Also e bësse sportlech ass hien nach, de Lionel Sabatté: hie schaaft Gymnastikapparater fir eis Imaginatioun. Dat ass gutt fir de Kapp, also fir d'Gesondheet. Fäerdeg verpaakte Messagë liwweren anerer.

Fossilien als Basis

Dem Lionel Sabatté seng Peinturen, Groussformater an 2D, sinn abstrakt, seng Skulpturen, also säin 3D, figürlech. De Stoff, aus deem dem Lionel Sabatté seng Dreem sinn, ass organesch, mee, kleng Präzisioun, mausdout.

D'Basis vu sengen Ueleg- oder Acrylfaarwe si Fossilien, fir seng ganz perséinlech Fauna a Flora benotzt hien ofgestuerwent Planzematerial, Huff, ofgebass Neel, Stëbs, raschtege Metall.

Wat ass lieweg?

Saache gi lieweg, wa se dialogéieren: dat ass fir Kanner evident. E Petzi ass erwuesse gekuckt allerdéngs dout. Deemno ass de Lionel Sabatté op der Sich no enger Redefinitioun vum Liewegen, vun engem anere Bléck. Zum Beispill am Paräisser Metro.

Des moutons pour faire des loups! Duerch säi Stëbs-Ruddel Wëllef, dat hie fir d'FIAC, d'Paräisser Konschtfoire, sculptéiert hat, ass och d'Ëffentlechkeet op de Lionel Sabatté opmierksam ginn.

E Liewen tëschent zwee Stied

De Lionel Sabatté beschäftegt sech am Alldag intensiv mat zwee Labyrinther: hie lieft nämlech bal zu Paräis, bal zu Los Angeles.

Dohannen huet hien och d'Galeriste Ceysson et Bénétière kenne geléiert, déi vun enger Sabatté-Expo an der City of Angels esou begeeschtert waren, datt si hie mat sengen Aarbechten op de Wandhaff invitéiert hunn.

An der Mediathéik:

Kultur / / Kerstin Thalau
Lauschteren

Méi zum Thema

Venedeg
De Marco Godinho zu Venedeg

Mat "Written by Water" vertrëtt de Marco Godinho de Grand-Duché op der 58. Biennale vu Venedeg. Et ass déi éischte Kéier, datt ee Kënschtler vu Lëtzebuerg säi Wierk net isoléiert am Pavillon presentéiert.

Jutta Koether
Ausstellung

D'Retrospektiv vun der däitscher Molerin gouf zejoert als eng vun den zéng beschten Ausstellunge weltwäit ausgezeechent an ass an Zesummenaarbecht mam prestigiéise Museum Brandhorst entstanen.

Programm

  • Virum Dag

  • On air

    Moies-Magazin

  • Iwwer Mëtteg

  • Resonanzen

  • Spektrum

Dossieren

  • Europawahlen 2019

    Vum 23. bis de 26. Mee gëtt an der EU en neit Europaparlament gewielt. Zu Lëtzebuerg gëtt Sonndes, de 26. Mee gewielt. De radio 100,7 bericht iwwer d'Kandidaten an d'Enjeue vun dëse Wahlen.

  • Festival de Cannes 2019

    Alleguer d'Artikele vum Festival de Cannes 2019.

Communiquéen

  • Un nouveau directeur pour la radio 100,7

    Lors de sa réunion du mardi 26 mars 2019, le Conseil d'administration de l'Établissement de Radiodiffusion Socioculturelle a nommé Marc Gerges comme nouveau directeur de la radio 100,7.

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen