Rauen Toun Ëmgangsforme gëllen och am Internet

"Über den Umgang mit Menschen" ass dem däitschen Auteur Adolf Freiherr von Knigge säi bekanntst Wierk. Knigge stoung als Synonym fir Manéieren oder einfach nëmmen de Fakt, sech behuelen ze kënnen. Kuckt ee sech den deels rauen Toun op de soziale Medien un, kënnt een zur Konklusioun, datt de Knigge och haut nach wichteg ass.

Jean-Claude Majerus / cz

Jean-Claude Majerus
Jean-Claude Majerus

De grousse Problem, dee mir haut hunn, ass eben déi abstrakt Form vu Kommunikatioun an de soziale Medien. Eng Kommunikatiounsform, bei där ee virum PC keng direkt Reaktioun fäerte muss. Well et sëtzt ee virum Computer. Et gesäit a spiert een deen anere net. An d'Hemmschwelle leien do ganz dacks ganz déif. Et schreift een, et klickt een an et ass fort. Ouni z'iwwerleeën. Réischt dono kënnt dann de Gedanken, datt een et och anescht hätt kéinte soen. Mä an deem Fall, de Message ass fort, a virum allem behält een am World Wide Web meeschtens op éiweg seng Tracen.

Dofir pocht zum Beispill de Mediewëssenschaftler Martin Emmer vun der fräier Universitéit Berlin drop, datt och an der digitaler Welt onbedéngt Verhalensreegele misste vermëttelt ginn. An déi digital Educatioun wier deemno och eng vun den zentralen Erausfuerderunge vun der Zukunft.

Méiglech Mesuren

En éischte Schratt an déi Direktioun wier schonn an de 1990er Jore mat der sougenannter Netiquette lancéiert ginn. Mat dëser sollte sozial Ëmgangsformen beim Gebrauch mam Internet codifizéiert ginn. Mä ewell si sozial Medien esou an eisem Alldag verwuerzelt, datt et mat där Netiquette net méi duergeet. Et mussen nei Kompetenzen agefouert ginn. An net nëmme bei Experten, mä bei jidderengem. Dozou gehéieren d'Iwwerpréiwe vu Quellen, oder och d'Méiglechkeet vu juristeschen a soziale Suitten, jee nodeem wat een ëffentlech geschriwwen huet. An och d'Schoulen an d'Eltere spillen eng bedeitend Roll. Och d'Wëssenschaft, d'Politik an d'Medie selwer musse Responsabilitéit iwwerhuelen. Et sollt een opjiddefall bei Mobbing, dem Haass oder de Beleidegungen d'Schold net eleng de soziale Medie ginn.

Also, bei deem nächste Message oder der nächster SMS oder Mail, déi Dir an der Roserei schreift, dréckt net direkt op SEND. Waart e bëssen a liest se nach emol. An da mierkt der meeschtens scho selwer, ob Dir Iech villäicht e bëssen am Toun vergraff hutt.

Sozial Medien a Knigge

Méi zum Thema

Renate Künast um Handy Meenung
Gesellschaft

D'Politikerin Renate Künast huet eng Plainte géint Facebook gemaach. Wéinst engem falschen Zitat. Dat geheit wesentlech Froen iwwer d'Verhältnis vu soziale Medien, Demokratie a Rechtsstaat op.

Jean-Paul Hoffmann Meenung
Sozial Medien

Déi sozial Medie beaflossen net nëmmen déi traditionell Medien, mee och d'Gesellschaft als Ganzt. Wat fir eng Geforen huet et, wa Social Media den ëffentlechen Debat bestëmmt?

IMG_6869.jpg
Radio-Präis

De Charles Meder ass Laureat vum 100,7 Hörspillpräis 2016. A sengem Text "CyberTrappEd" dreift eng Schülerin op de soziale Medien ënner falschem Numm ee perfid Spill mat hirem Mathesproff.

Jonathan Alter a Michael Meehan
US-Presidentiellen

Eng Rekordzuel u Leit hunn déi éischt Presidentschaftsdebatt tëscht Trump a Clinton verfollegt. Wou kënnt deen Interessi hier a wat fir en Afloss hunn d'Medien op d'Presidentiellen?

Programm

  • Taktlos - Quartett

  • On air

    Notturno

  • Virum Dag

  • Noriichten

  • Moies-Magazin

Dossieren

  • CinÉast 2017

    Schonn déi zéngten Editioun vum Lëtzebuerger Filmfestival, deen e breede Panorama vum "Art et essai"-Kino aus Mëttel- an Osteuropa bitt. Eng 100 Projektioune vu Wierker aus 19 europäesche Länner.

  • Gemengewahlen 2017

    Den 8. Oktober kënnen d'Bierger aus de 105 Gemengen am Land hir lokal Vertrieder nei bestëmmen.

Communiquéen

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen