Radioen

On air

Notturno  |  

play_arrow Live
arrow_back_ios

Am Fong

100komma7.lu / Am Fong

/ "Um Ball - 50 Joer Fraefussball zu Lëtzebuerg"

"Um Ball - 50 Joer Fraefussball zu Lëtzebuerg"

headphones

55 min

Lauschteren play_arrow

De Fraefussball huet zu Lëtzebuerg eng Geschicht, just kennen déi mannste Leit se. Dat huet eng Partie Ursaachen; virop e banal a sexistesche Grond: de Fraefussball ass als Konzept ëmmer nach net an alle Käpp ukomm.

Eng gesammelt Geschicht vum Lëtzebuerger Fraefussball gëtt et bis elo net. Den Documentaire "Um Ball" ass deen éischte Projet, dee sech mam beléiftste Sport zu Lëtzebuerg auserneesetzt. Et ass en Zäitdokument, eng Bestandsopnam vun de leschte 50 Joer, en Documentaire, deen hëlleft ze verstoen, wisou de Fraefussball haut esou ass.

D'Journalistin Tessy Troes huet mat der Soziolinguistin Sarah Muller de Sujet recherchéiert a béid Frae sinn dofir 50 Joer zeréck an d'Zäit gereest. An d'Joer 1972, op Biissen, wou e Grupp jonk Frae sech zesummegedoen huet, fir Fussball ze spillen. Och zu Monnerech an zu Nidderkuer goufen déi Zäit Ekippe gegrënnt. D'Matcher sinn deemools virun engem Public ausgedroe ginn, deen d'Fraen net allze seriö geholl huet, iwwerdeems d'Dammen ouni Lizenzen oder Clibb, Championnater gespillt hunn.

70 Minutte laang suivéiert den Documentaire iwwer Extraite vun Zeitungsartikelen a Videomaterial d'Liewe vun dëse Pionéierinnen um Terrain. Temoignagen, déi beleeën a wéi wäit et deemools net vill Akzeptanz fir Fussballerinnen gouf. Spréch wéi: "Elo kréie mir eppes ze laachen", oder "wëlls de dech net Heem hanner d'Kachdëppe stellen", waren Usus, an awer hunn d'Frae weider trainéiert, gespillt, am Bulli an de Wisen.

Datt si net eescht geholl goufen an offälleg Remarken ze héiere kruten, war hinnen egal, si sinn hirer Passioun, dem Ball, nogelaf, a wollte ganz einfach Fussball spillen. Dacks mat net manner Engagement, Schweess a Kompetitiounsgeescht wéi d'Männer.

De Film weist och d'Versich am turbulenten éischte Véierelsjoerhonnert Fraefussball eng Nationalekipp ze grënnen, e BeNeLux-Tournoi a mam Progrès Nidderkuer eng Ekipp, déi jorelaang duerch d'Belsch an Däitschland fiert, fir iwwerhaapt kënnen e Fussballchampionnat ze spillen.

Ufanks den 2000er kënnt et dann zu engem richtege Boom am Lëtzebuerger Fraefussball - mat enger historescher WM-Qualifikatioun 2021/2022, wou et Lëtzebuerg geléngt, dräi Matcher ze gewannen.

Wat huet sech dann an der Mentalitéit zanter de 1970er Joren verännert? Wéi kuckt d'Welt 2023 op de Fraefussball? Wat huet d'Pionéierinne gedriwwen, a wéi wäit si si Feministinnen?

Am Fong geet der Saach op de Fong. D'Natasha Ehrmann féiert duerch d'Gespréich mat der Tessy Troes, Realisatrice vum Documentaire an der Sarah Müller, Soziolinguistin.

Kultur
Politik a Gesellschaft

Episoden

Repairs For Future

De Michel Heftrich mécht mat sengem E-Vëlo Statioun an der Emissioun Am Fong.
headphones

55 min

play_arrow

Insekten zielen: "Méi wéi Beien! Ziel mat!"

Invitée ass d'Biologin Lieke Mevis, déi och Beroderin bei Natur an Ëmwelt ass. Si erkläert wéi a wisou d'Insekten-Aarte gezielt ginn.
headphones

55 min

play_arrow
De Musekssecteur organiséiert sech

De Musekssecteur organiséiert sech

Concertssäll, Festivallen, Interpreten, Createuren, an aner Museksberuffer di sech zesummen. Am Virfeld vun den Nationalwale stelle si hir Revendicatiounen un d'Politik.
headphones

56 min

play_arrow
Gemengewalen 2023

Gemengewalen 2023

De Jean-Claude Franck a Maurice Molitor analyséieren d'Resultater vun de Gemengewalen 2023.
headphones

55 min

play_arrow

Hännwäsche rett Liewen

Invitéeë sinn zwou Infirmièren: d'Tina Koch, Infirmière an der Psychiatrie, der Infektiounspreventioun an -kontroll an d'Françoise Schmitt, Infirmière an der Infektiouns-Preventioun.
headphones

55 min

play_arrow

Energiemonitoring mat Smart Homes Do it yourself

Den Olivier Koos an de Lynn Bayer sinn zwee Experten am Beräich Do it yourself Smart Homes an Home Assistants.
headphones

55 min

play_arrow

Live vum Stater Maart

Kuerz virun de Gemengewale schwätze mir mat Interessevertrieder aus der Stad. Zu Wuert komme Vertrieder aus verschidde Quartieren, ProVelo an de Stater Geschäftsverband.
headphones

56 min

play_arrow
Geschwëster: "Déi längste Bezéiung, déi mir hunn"

Geschwëster: "Déi längste Bezéiung, déi mir hunn"

D'Bezéiung ënner Geschwëster ass eng ganz besonnesch, seet d'Nora Van Daele vun der Eltereschoul. Mat Geschwëster léiert ee streiden a sech nees verdroen.
headphones

54 min

play_arrow

Fukushima: 12 Joer noom Supergau

Als Delegatiounsmember fir Transparenz an Informatioun iwwer nuklear Sécherheet war den Atom Expert, Roger Spautz a Japan, a verzielt wat hien do gesinn huet.
headphones

56 min

play_arrow

Spezialemissioun vun Iechternach

Historesches, live aus der eelster Stad vum Land. Gespréicher iwwer d'Sprangpressessioun, d'Ausgruewungen ënner der Petite Marquise an iwwer de Park vun der Abtei.
headphones

55 min

play_arrow

Live vun Esch: Wat bléift vum Kulturjoer 2022 ?

Mir diskutéieren op der Escher Brillplaz mam Artist Serge Ecker, dem artisteschen Direkter vun der Escher Konschthal, Christian Mosar, a mam Escher Kulturschäffen Pim Knaff.
headphones

55 min

play_arrow

ALAN - am Asaz fir maladies rares

Zwou Invitéeën sinn de Mueren am Studio. Déi nei ALAN Presidentin Anja di Bartolomeo an d'Hannah Hommel, déi mat enger rarer Krankheet lieft.
headphones

56 min

play_arrow

Liewensmëttel Allergien: Wann iesse krank mécht

Zwou Fuerscherinnen aus dem Luxembourg Institute of Health, LIH: Dr Annette Kühn an Dr Christiane Hilger
headphones

55 min

play_arrow
Den historeschen an industrielle Patrimoine vun der Stad Esch

Den historeschen an industrielle Patrimoine vun der Stad Esch

Am neien Departement vun den Escher Archiven gëtt d'Bevëlkerung opgeruff aktiv matzeschaffen. De Yannick Kieffer, Archivist an Historiker erzielt iwwer de Projet.
headphones

56 min

play_arrow

Inklusioun - Adapto

Mam Sascha Lang analyséiere mir den Adapto an héiere wéi wäit en adaptéiert ass.
headphones

55 min

play_arrow

École du Goût - Eng Schmaachschoul fir Lëtzebuerg

Zwee Invitéë sinn am Studio: D'Ernärungsberoderin Simone Dégardin an de Laurent Baulesch, deen de Projet geleet huet.
headphones

55 min

play_arrow

Täuschend Echt - Wëll Orchideeën zu Lëtzebuerg

Am Virfeld vun der Ausstellung am natur musée eng Visitt mam Botaniker a Curateur
headphones

55 min

play_arrow

Spezialemissioun vun Dikrech

Live vun der Maartplaz: Gespréicher iwwer d'Kavalkad, d'Dikrecher Muséeën, d'Hotelsschoul an Al Dikrech.
headphones

56 min

play_arrow

Neie Rainbow Center - E Safe Space

Invité ass den Andy Maar vu Rosa Lëtzebuerg.
headphones

55 min

play_arrow

École du Goût - Eng Schmaachschoul fir Lëtzebuerg

Zwee Invitéë sinn am Studio: D'Ernärungsberoderin Simone Dégardin an de Laurent Baulesch, deen de Projet geleet huet.
headphones

55 min

play_arrow