Radioen

On air

Notturno  |  Bartleby Delicate - Winter's Dark (Choir Version)

play_arrow Live
arrow_back_ios

Am Fong

100komma7.lu / Am Fong

/ "Um Ball - 50 Joer Fraefussball zu Lëtzebuerg"

"Um Ball - 50 Joer Fraefussball zu Lëtzebuerg"

headphones

55 min

Lauschteren play_arrow

De Fraefussball huet zu Lëtzebuerg eng Geschicht, just kennen déi mannste Leit se. Dat huet eng Partie Ursaachen; virop e banal a sexistesche Grond: de Fraefussball ass als Konzept ëmmer nach net an alle Käpp ukomm.

Eng gesammelt Geschicht vum Lëtzebuerger Fraefussball gëtt et bis elo net. Den Documentaire "Um Ball" ass deen éischte Projet, dee sech mam beléiftste Sport zu Lëtzebuerg auserneesetzt. Et ass en Zäitdokument, eng Bestandsopnam vun de leschte 50 Joer, en Documentaire, deen hëlleft ze verstoen, wisou de Fraefussball haut esou ass.

D'Journalistin Tessy Troes huet mat der Soziolinguistin Sarah Muller de Sujet recherchéiert a béid Frae sinn dofir 50 Joer zeréck an d'Zäit gereest. An d'Joer 1972, op Biissen, wou e Grupp jonk Frae sech zesummegedoen huet, fir Fussball ze spillen. Och zu Monnerech an zu Nidderkuer goufen déi Zäit Ekippe gegrënnt. D'Matcher sinn deemools virun engem Public ausgedroe ginn, deen d'Fraen net allze seriö geholl huet, iwwerdeems d'Dammen ouni Lizenzen oder Clibb, Championnater gespillt hunn.

70 Minutte laang suivéiert den Documentaire iwwer Extraite vun Zeitungsartikelen a Videomaterial d'Liewe vun dëse Pionéierinnen um Terrain. Temoignagen, déi beleeën a wéi wäit et deemools net vill Akzeptanz fir Fussballerinnen gouf. Spréch wéi: "Elo kréie mir eppes ze laachen", oder "wëlls de dech net Heem hanner d'Kachdëppe stellen", waren Usus, an awer hunn d'Frae weider trainéiert, gespillt, am Bulli an de Wisen.

Datt si net eescht geholl goufen an offälleg Remarken ze héiere kruten, war hinnen egal, si sinn hirer Passioun, dem Ball, nogelaf, a wollte ganz einfach Fussball spillen. Dacks mat net manner Engagement, Schweess a Kompetitiounsgeescht wéi d'Männer.

De Film weist och d'Versich am turbulenten éischte Véierelsjoerhonnert Fraefussball eng Nationalekipp ze grënnen, e BeNeLux-Tournoi a mam Progrès Nidderkuer eng Ekipp, déi jorelaang duerch d'Belsch an Däitschland fiert, fir iwwerhaapt kënnen e Fussballchampionnat ze spillen.

Ufanks den 2000er kënnt et dann zu engem richtege Boom am Lëtzebuerger Fraefussball - mat enger historescher WM-Qualifikatioun 2021/2022, wou et Lëtzebuerg geléngt, dräi Matcher ze gewannen.

Wat huet sech dann an der Mentalitéit zanter de 1970er Joren verännert? Wéi kuckt d'Welt 2023 op de Fraefussball? Wat huet d'Pionéierinne gedriwwen, a wéi wäit si si Feministinnen?

Am Fong geet der Saach op de Fong. D'Natasha Ehrmann féiert duerch d'Gespréich mat der Tessy Troes, Realisatrice vum Documentaire an der Sarah Müller, Soziolinguistin.

Kultur
Politik a Gesellschaft

Episoden

Konsumenteschutz - Am Déngscht vum Verbraucher

Invité ass de Pascal Koehnen, Responsabele vum Service contentieux vun der Union Luxembourgeoise des Consommateurs (ULC).
headphones

55 min

play_arrow

Jonk BAD

Invitée am Studio ass d'Lucie Gärtner, d'Presidentin vun der ASBL, déi Bibliothéikswiesen-, Archivistik- an Dokumentatiouns-Studenten a -Studentinne vertrieden.
headphones

55 min

play_arrow

Tabu: Suicide bei Jonken - Wann d'Séil wéideet

Invitéë sinn d'Psychologe Fränz d'Onghia vun der Ligue Luxembourgeoise d'Hygiène Mentale an de Jean-Marc Wagner vum Centre psycho-social et d'accompagnement scolaires CePAS.
headphones

55 min

play_arrow

Seismologie: Wann d'Äerd ziddert

Invité am Studio ass den Adrien Oth. Hien ass Geophysiker, Fuerscher a wëssenschaftlechen Direkter vum Europäeschen Zenter fir Geodynamik a Seismologie (ECGS).
headphones

55 min

play_arrow

Emergency.lu - Technologie am Asaz fir humanitär Hëllef

Mam Max Lamesch, dem Direkter adjoint am Kooperatiounsministère geet rieds iwwer d'Kommunikatiounsplattform, déi am Kader vun der internationaler Katastrophenhëllef agesat gëtt.
headphones

56 min

play_arrow

Totalitarismus zu Lëtzebuerg am Zweete Weltkrich

Mam Historiker Jérôme Courtroy geet rieds iwwer d'NS-Organisatiounen zu Lëtzebuerg an d'Buch "Im Griff des Nationalsozialismus".
headphones

55 min

play_arrow
Schlof bei Kanner

Schlof bei Kanner

Wat kann ee maachen, fir d'Kanner op d'Schlofenszäit anzestellen a wéi entwéckelt sech de Schlof, dat verréit d'Schlofberoderin Tania Hemmer.
headphones

55 min

play_arrow

Fürerschäin - Theorie a Praxis

Invitée: Sam Hau, Member vum Comité vun der Fédération des maîtres instructeurs de conducteurs de véhicules automobiles (FMI) a Fernand Mayer, President vum Farschoulverband.
headphones

54 min

play_arrow

Safer Internet Day - D'Gefor lauert ee Klick ewech am Fong

De 7. Februar ass de Safer Internet Day (SID). Fir doriwwer ze informéiere sinn d'Deborah Plain an de Jeff Kaufmann vu Bee Secure am Studio.
headphones

55 min

play_arrow

"Um Ball - 50 Joer Fraefussball zu Lëtzebuerg"

Invitéeën sinn d'Tessy Troes, Realisatrice vum Documentaire an d'Sarah Muller, Soziolinguistin.
headphones

55 min

play_arrow

Blutt spenden - Mënschen hëllefen

Invitée ass d'Dokter Andrée Heinricy, Responsabel Departement Prise de Sang bei de Croix-Rouge.
headphones

55 min

play_arrow
Neurodegenerativ Krankheeten

Neurodegenerativ Krankheeten

Den Neurolog, Fuerscher a Professer fir Neurosciencen Prof. Dr. Rejko Krüger ass Invité.
headphones

55 min

play_arrow

Accessibilitéitsgesetz: méi Barrièrefräiheet

Invité ass de Sascha Lang, dee mam Direkter vum nationale Kompetenzzenter fir d'Accessibilitéit (Adapth), Fabiano Munisso, geschwat huet.
headphones

55 min

play_arrow

EPSA-App - ee Klick, méi Beweegung

Invitéeën am Studio sinn d'Stéphanie Reiter, Sportenseignante an der Ecole Privée Sainte Anne (EPSA), an d'Joana Lourenco, Schülerin vun enger 2e.
headphones

55 min

play_arrow

Wien huet Angscht virum béise Wollef?

Den Invité Dr. Laurent Schley ass Biolog an Direkter adjoint bei der Naturverwaltung a beschäftegt sech zanter Jore mat der Ausbreedung vum Wollef.
headphones

56 min

play_arrow

Meteo 2022 - d'Joer vun de Rekorder

Mam Lucas Mathias, Meteorolog beim nationale Wiederdéngscht MeteoLux, e Bléck an e Bilan vum Joer 2022
headphones

55 min

play_arrow
Eng Schoul, déi baussen de véier Wänn erlieft gëtt

Eng Schoul, déi baussen de véier Wänn erlieft gëtt

"Eng dräidimensional Schoul", dat heescht mat alle Sënner ze léieren. Doriwwer geet rieds mam Naturpedagog, fréieren Enseignant a Papp Pit Mischo.
headphones

56 min

play_arrow

Kriibs a Sexualitéit - en duebelen Tabu

Invitée ass déi Responsabel vum Departement Psychosocial vun der Fondation Cancer, d'Martine Risch. Si ass Psychologin a Psychotherapeutin.
headphones

55 min

play_arrow

Naturbaustoffer - Bauen an Dämmen mat Stréi oder Leem

Invité ass de Marc Neu, hien ass op Naturbaustoffer spezialiséiert a baut mat Stréi a Leem.
headphones

56 min

play_arrow
Formatioun Multiplicateuren: Fir d'Gemengewale sensibiliséieren

Formatioun Multiplicateuren: Fir d'Gemengewale sensibiliséieren

Invité ass de Sylvain Besch vum CEFIS, dem Centre d'Etude et de Formation Interculturelles et Sociales, ASBL. Hien ass Chargé d'études et de formation.
headphones

55 min

play_arrow