One World
Rar Pärelen
56 min
D’Britten vu Bar Italia hunn de leschten November hiren neien Album “The Twits” verëffentlecht, eng vun den Decouverten.
Eng aner Decouverte vun dëser Woch ass dem jonke Paräisser Museker Hupla säin Debutalbum “Introspect”, schéi Kompositiounen an Emotiounen …
“So Far So Good” ass den excellenten zweeten Album vun der amerikanescher Singer-Songwriterin Meernaa, mam richtegen Numm Carly Bond, eng schéi Kollektioun vu Folk-Songs, déi beréieren.
Den neien Album vum jonken indoneesesche Pianist a Komponist Joey Alexander, deen als Wonnerkand ugesi gëtt, ass “Continuance” iwwerschriwwen, eng vun eise Pärelen hei.
De franséische Kontrabassist Simon Mary huet mat senger Formatioun Krystal Mundi en neien Album agespillt. “Modal Morning” hellt eis mat a ganz nei Klang-Dimensiounen: Coup de Coeur!
Den norweegesche Produzent Espen Horne huet elo an no enger Paus vu 24 Joer, en neien Disk ënner sengem Numm erausbruecht “The Anatomy of Serene Eloquence”, eng weider kleng Pärel bei One World um 100,7.
D’Esher Demo “Not Guilty” vun de Beatles ass am Kader vun den Enregistrementer vum “White Album” opgeholl ginn, gouf awer net verëffentlecht ….
Mir entdecke Loverman, dat ass de Solo-Projet vum Belsch James de Graef, fréiere Member vum Synth-Rock Grupp Shht. Den neien Album “Lovesongs” léist intim Lidder erkléngen an de schéinen Timber vum James de Graef.
Playlist:
1. Bar Italia - Shoo - The Twits
2. Hupla - Give Me Some Time - Introspect
3. Meernaa - Love Is Good - So Far So Good
4. Joey Alexander - Zealousy - Continuance
5. Mo' Horizons - I Can't Sleep (feat. Noam Bar Azulay) - Mango
6. Simon Mary & Krystal Mundi - Modal Morning (feat. Sissel Vera Pettersen) - Modal Morning (feat. Sissel Vera Pettersen)
7. Espen Horne - Den Franske Gitaren (feat. Aich) - The Anatomy of Serene Eloquence
8. Loverman - Candyman - Lovesongs
9. The Beatles - Not Guilty (Esher Demo) - The Beatles (White Album) (Super Deluxe Edition)
10. Dylan LeBlanc - The Crowd Goes Wild - Coyote
11. dEUS - Pirates - How To Replace It