One World

The Coral hiren neien Album “Sea Of Mirrors” ass konzipéiert als e surrealen italieenesche Spaghetti Western Soundtrack, ass awer vollgepaakt mat Metafferen an Allegorië fir dat modernt England, dat amgaang ass ze verfalen.
De Schlofzëmmer Folk vun LaFrange, mam richtege Numm Zoé Seignouret, léist mat “nobody else will ever see me naked” eng jugendlech Melancholie erkléngen, déi tëschent de véier Mauere vun hirem Zëmmer entsteet, do wou d’Artistin sech zeréckzitt fir d’BO vun hirem Häerz ze komponéieren.
Eng vu den Decouverten dës Woch sinn Howlin' Jaws. An dat sinn dräi Paräisser, déi sech schonn als Bouwe kannt hunn, hir Jugend a Schoulausbildung hanner sech bruecht hunn ouni d’Musek opzeginn. Am September koum hiren neien Album “Half Asleep Half Awake” eraus, en Disk, deen analog opgeholl gouf. Fir dëse konnte si de Liam Watson mat an d’Boot huelen, et ass jo och hien, deen zoustänneg war fir de White Stripes hiren “Elephant”.
Eng aner Decouverte an eng nawell zimmlech ausgeflippten ass d’NCY Milky Band. De Quartett vun Nanzeg huet en neie Volume aus hirer Serie “Our Gurus” verëffentlecht. D’Serie ass beaflosst vun hiren Helden, notamment King Crimson.
Empress Chai & Erik Ritfeld hiren Album “Piece of Mind” ass eng weider Decouverte. Hei héiere mir déi fruchtbar Zesummenaarbecht tëschent dem Pianist a Keyboarder Erik Ritfeld vu Rotterdam an der Sängerin Fiona Cleary aka Empress Chai vu Jamaika.
Dee wuelbekannte franséischen Jazz-Kontrabassist Henri Texier clôturéiert mam Album “An Indian's Life” en Tryptique. Dësen hat 1993 ugefaangen mat “An Indian's Week”, dunn 2016 “Sky Dancers” an haut “An I’ndian's Life”, deen neien a leschten Album, wou et ëm déi amerikanesch Urawunner geet.
En aneren onëmgänglechen Album ass der Global Groove Band Muito Kaballa hiren neien “Like a River”. E Konzept-Album, op deem et ëm Bezéiunge geet oder eng Plaz an der Gesellschaft, oder ganz einfach eng Musek, fir drop ze danzen.

Playlist:
1. The Coral - North Wind (The Skiffle Sessions) - Sea Of Mirrors
2. Calexico & Iron & Wine - The Bitter Suite (Pájaro / Evil Eye / Tennessee Train) - Years to Burn
3. LaFrange - i wish you died - nobody else will ever see me naked
4. Howlin' Jaws - See You There - Half Asleep Half Awake
5. NCY Milky Band - Giles, Giles & Fripp - Our Gurus 2
6. Turner Cody - Corner Of My Room - Noughties Niceness
7. Empress Chai & Erik Ritfeld - Fix Me - Piece Of Mind
8. Sade - Why Can't We Live Together - Diamond Life
9. Henri Texier - Black And Blue (feat. Manu Codjia, Gautier Garrigue, Carlo Nardozza, Sylvain Rifflet, Sébastien Texier & Himiko Paganotti) - An Indian's Life
10. Muito Kaballa & Luna Feat. Reinel Bakole - Like A River

Episoden