Webinar
Museksunterrecht am Enseignement
91 min
De Regierungsrot Mëtt Juli d'lescht Joer huet gréng Luucht gi fir de Projet de loi fir d'Reform vum Museksunterrecht am Gemengesecteur. D'Gesetz soll fir d'Rentrée 2022 gräifen an eng vun den Haaptnouvellen ass, datt den Enseignement musical vun deem Ament u fir Kanner gratis gëtt. Dat stäerkt d'Plaz vum Museksunterrecht am Bildungswiesen. Dem Educatiounsminister Claude Meisch no soll den Enseignement musical esouguer e Pilier vun der Educatioun ginn.
Wat ass d'Bedeitung vum Museksunterrecht? Wéi ginn d'Enseignantë forméiert? A wat bréngt et mat sech, wann den Accès dozou fir Kanner vun der Rentrée 2022 u soll gratis sinn? Dës an aner Froe stinn am Mëttelpunkt vum Webinaire vun der Direction générale de l'Enseignement musical vum Educatiounsministère, dem SCRIPT an dem radio 100,7.
Am Studio sinn:
D'Micky Thein, Directrice adjointe vun der Museksschoul vun der UGDA.
De Gilles Lacour, Commissaire à l'enseignement musical vun der Regierung a Chef vun der Direktioun vum Museksunterrecht am Educatiounsministère.
De Marc Meyers, President vun der nationaler Programmkommissioun vum Enseignement musical an Direkter vum Stater Conservatoire
De Pascal Sticklies, Responsabel vum Education Departement vun der Philharmonie
An der Emissioun sinn zousätzlech eng ganz Rei vun Expertinnen an Experten ze héieren an och d'Stëmme vu Museksschüler.
Moderatioun: Natasha Ehrmann
Episoden
Lycée? Spéidere Beruff? Talentsich?
Äntwerte ginn et op der Schoulfoire an an dëser Diskussioun iwwer d’Theema vun der Orientatioun an d’Méiglechkeete vum Bildungssystem. An Zesummenaarbecht mam Script
Kultur an der Schoul - eng Konscht fir sech?
Wat ass de Stellewäert vun der Kultur an eiser Schoul? Ass genuch kreatiivt Schaffen um Stonneplang? Oder misst ee Kultur als Wäert méi fachiwwergräifend an d’Léierpläng afléisse loossen? An Zesummenaarbecht mam Script
Vu Lego bis Robotik - Spilles Léiere fir d’Zukunft
Iwwer d'Entwéckele vun den néidege Kompetenzen an de Wee vum Verstoe vu komplexe Prozesser an der Robotik an an den digitale Wëssenschafte geet rieds am Webinar.
Deng Stëmm zielt! Participatioun vu Kanner a Jonker
Wéi ka Participatioun an der formaler an an der informeller Bildung zu Lëtzebuerg, souwuel an wéi baussent der Schoul gefërdert ginn?
Alphabetiséierung op Franséisch
"zesumme wuessen!" e Pilotprojet, deen a véier Schoulen ugelaf ass. Firwat ass eng Alphabetiséierung, sou no wéi méiglech un der staarker Sprooch vum Kand, wichteg?
Tabula Rasa mam Tabu - schwiereg Theemen an der Grondschoul
An Zesummenaarbecht mam SCRIPT an dem Institut de formation de l'Éducation nationale (IFEN) an och live iwwer Video op der Internetsäit www.100komma7.lu gestreamt
Den Ëmgang ma AI an der Schoul
Wat ass Artifiziell Intelligenz? Wat musse Schülerinnen a Schüler iwwer de Fonctionnement vun AI wëssen? Wat fir e Basiswësse muss een hunn?
Kannerrechter: Participatioun, Schutz a Fërderung
Eng Live-Diskussioun vum SCRIPT a radio 100,7 mat Experten a Jonken. Diskutéiert mat: fro@webinar.lu; WhatsApp-Message 621 44 00 44.
Den Entrepreneursgeescht an der Educatioun
Kommunikativ, kollaborativ, kreativ a kritesch denken - den Entrepreneursgeescht an der Educatioun.
Léieren dobaussen - D'Ëmwelt als Unterrechtsmaterial
Iwwer d'Méiglechkeeten, déi et fir en Unterrecht ausserhalb vum Klassesall ginn a wéi ee sech am beschten uleet, fir op dee Wee ze goen.
Orientatioun an der Educatioun
Déi éischt national Schoulfoire ass vum 2.-4.5. Experte spanen am Virfeld e grousse Bou vun der Schoulorientatioun an der Grondschoul, am Secondaire an an der Beruffsausbildung.
D'Erausfuerderunge vun der Alphabetiséierung zu Lëtzebuerg
Traditionell geschitt d'Alphabetiséierung an der Lëtzebuerger Schoul op Däitsch: heirëm stelle sech awer vill Froen, déi am Mëttelpunkt vun dësem Webinar stinn.
Museksunterrecht am Enseignement
D'Reform vum Museksunterrecht soll fir d'Rentrée 2022 gräifen an eng vun den Haaptnouvellen ass, datt den Enseignement musical vun deem Ament u fir Kanner gratis gëtt.
ADHS
Eng Diagnos, keng Meenung! Wisou eng Fréierkennung wichteg ass, an den ADHS een dat ganzt Liewe laang begleet.
Franséisch an der Schoul
Quasi zanter Lëtzebuerg existéiert, gëtt Franséisch am Schoulsystem enseignéiert. A genee esou laang gëtt d'Sprooch vu villen als schwéier ze léieren an ze schwätzen empfonnt.
