De veganen Tipp mam Marie
Kniddelen
6 min
Dauer: 20 Minutte Virbereedung & 20 Minutte Kachen
Fir véier Portioune brauche mir:
• 280 g Weessmiel (z. B. Typ 55)
• 400 ml planzlech Mëllech (z. B. Sojamëllech)
• 1 Kaffisläffel Salz fir den Deeg
• 2 Kaffisläffele Salz fir an d’Waasser
Zoubereedung vun de Kniddelen:
1. D’Miel, d’Mëllech an d’Salz an enger grousser Schossel mat engem Läffel vermëschen
2. Den Deeg fir ronn 20 Minutten an der Schossel roue loossen
3. Waasser an engem groussen Dëppen opkachen
4. Jeeweils ee groussen Zoppeläffel vum Deeg an d’Dëppe ginn
5. Wann d’Kniddelen uewen um Waasser schwammen, nach fir eng Minutt weider kachen, a no a no eraushuelen an an ee Sift ginn
6. Entweder esou genéissen, a Margarine ubroden, mat gereechertem Tofu, oder mat enger crèmeger Champignonszooss
Rezept fir déi crèmeg Champignonszooss:
Dauer: 10 Minutte Virbereedung & 25 Minutte Kachen
Mir brauchen:
• 50 – 80 g Cashewnëss
• 150 – 240 ml Waasser (deemno wéi crèmeg d’Zooss soll sinn)
• 2 Zoppeläffele planzlechen Ueleg (z. B. Olivenueleg)
• 200 – 280 g Champignone
• 1 Zwiwwel, a kleng Stécker geschnidden
• 3 Knuewelekszéiwen, kleng gehackt
• Optional: 100 - 120 ml Wäisswäin
• 1 Kaffisläffel Moschter
• Salz a Peffer
• Optional: frësch Kraider (z. B. Basilikum oder Dill)
Zoubereedung:
1. D’Cashewnëss fir ronn 10 Minutten an engem klengen Dëppe mat Waasser opkachen (bis se mëll sinn)
2. An engem Mixer d’Cashewnëss mam Waasser vermëschen, bis et eng Crème gëtt
3. An enger Pan oder engem Dëppen den Ueleg opwiermen, d’Champignonen dobäi ginn a fir e puer Minutte kachen
4. D’Zwiwwelstécker an d’Knuewelekstécker dobäiginn a fir e puer Minutte kachen
5. De Wäin dobäi ginn a weider fir e puer Minutte kachen
6. De Moschter dobäi ginn
7. D’Cashewcrème dobäi mëschen
8. D’Zooss bei Nuddele ginn
9. Optional: frësch Kraider dobäi ginn
Presentéiert vum
- Marie Schockmel
Episoden
Pesto mat Muertegréngs
Lecker Pesto Alternativ, fir d’Muertegréngs och mol ze benotzen
Äppeltaart Smoothie
Ee gesonde Smoothie dee no Äppeltaart schmaacht
Lasagne
E Klassiker, veganiséiert
Eisekuch mat tierkeschem Flair (Baklava-Topping)
Eisekuch mat Baklava-Geschmaach, wéi deen tierkesche séissen Dessert mat Pistaschen.
Bouillon mat Pak Choi
Eng Zopp mat vill gesondem Geméis
Carrot Cake Muffins
E Rezept fir de Rescht Muerte vun Ouschteren ze benotzen.
Chai Latte
En ayurvedeschen Drink mat ville Gewürzer
Brioche mat Schockelasstécker
Perfekt fir d'Ouschterzäit
Hieselnoss Smoothie
E gudde Smoothie fir en Energiekick!
Miso Zopp
Eng authentesch japanesch Zopp
Kniddelen
Lëtzebuerger Rezept perfekt fir den Enn vum Wanter
Crèmeg Champignonszooss fir Pasta
Op Basis vu Cashewnëss
Veganen Cheesecake Parfait
E schnellen Dessert, perfekt fir Vältesdag
Verwuerelter
Déi vegan Versioun vum Lëtzebuerger Klassiker fir Fuesent
Nuddele mat rouder Paprikazooss
Crèmeg Zooss mat gereechertem Paprika
Vegan Carbonara
E Pasta-Klassiker, veganiséiert
Vegane French Toast
Perfekt fir ee séisse Brunch!
Pizza
En einfacht Rezept fir e flotte Pizzaowend doheem
Pho Zopp
Vietnameesesch Zopp mat Nuddelen
