De veganen Tipp mam Marie
Wellington mat Nëss a Champignonen
7 min
Dauer: 15 Minutte Virbereedung & 25 Minutte Baken
Mir brauchen:
• 2 Zoppeläffelen Olivenueleg (oder Sonneblummenueleg)
• 1 Zwiwwel, a kleng Stécker geschnidden
• 2 Knuewelekszéiwen, a kleng Stécker geschnidden
• 1 Kaffisläffel gedréchente Rosmarin
• ½ Kaffisläffel Koriander Pudder
• ½ Kaffisläffel gedréchenten Thymian
• ½ Kaffisläffel gedréchenten Oregano
• 240 g wäiss Champignonen, a kleng Stécker geschnidden
• 240 g brong Champignone, a kleng Stécker geschnidden
• 2 Portobello Champignone, a kleng Stécker geschnidden
• 2 Zoppeläffele Soja- oder Tamarizooss
• 1 Bliederdeeg (am beschte rechteckeg)
• 1-2 Zoppeläffele geschmolte Margarinn
• Optional als Dekoratioun: frësche Rosmarin
Fir d’Noss-Crème brauche mir:
• 150 g Walnëss (oder Cashewnëss)
• 130 ml Waasser
• ½ Kaffisläffel Salz
Zoubereedung:
1. An engem groussen Dëppen den Ueleg, d’Zwiwwel, de Knuewelek, d’Kraider kachen, bis d’Zwiwwele mëll sinn
2. D’Champignonen an d’Soja- oder Tamarizooss dobäi ginn a kache bis d’Champignone mëll sinn
3. An engem Mixer d’Nëss, d’Waasser an d’Salz fir e puer Minutte vermëschen (falls ze déckflësseg, e bësse méi Waasser dobäi ginn)
4. D’Nësscrème an d’Dëppen dobäi ginn, an alles fir e puer Minutte kachen
5. D’Zooss e puer Minutten ofkille loossen
6. De Schäffchen op 220 Grad Celsius opwiermen
7. E Bakblech mat Bakpabeier beleeën
8. De Bliederdeeg op de Bakpabeier leeën
9. Eng Säit mat der Champignon-Fëllung beleeën
10. De Bliederdeeg vun där anerer Säit opfalen, d’Ränner zesummendrécken
11. Mat der geschmolter Margarinn bepinselen
12. Mat engem Messer e puer Linnen um Wellington anzeechnen
13. Fir ronn 25 Minutte bei 220 Grad Celsius Ober-/Unterhitze baken
14. Fir e puer Minutten ofkille loossen
15. Mat frëschem Rosmarin dekoréieren
Presentéiert vum
- Angie Maquil
Episoden
Pesto mat Muertegréngs
Lecker Pesto Alternativ, fir d’Muertegréngs och mol ze benotzen
Äppeltaart Smoothie
Ee gesonde Smoothie dee no Äppeltaart schmaacht
Lasagne
E Klassiker, veganiséiert
Eisekuch mat tierkeschem Flair (Baklava-Topping)
Eisekuch mat Baklava-Geschmaach, wéi deen tierkesche séissen Dessert mat Pistaschen.
Bouillon mat Pak Choi
Eng Zopp mat vill gesondem Geméis
Carrot Cake Muffins
E Rezept fir de Rescht Muerte vun Ouschteren ze benotzen.
Chai Latte
En ayurvedeschen Drink mat ville Gewürzer
Brioche mat Schockelasstécker
Perfekt fir d'Ouschterzäit
Hieselnoss Smoothie
E gudde Smoothie fir en Energiekick!
Miso Zopp
Eng authentesch japanesch Zopp
Kniddelen
Lëtzebuerger Rezept perfekt fir den Enn vum Wanter
Crèmeg Champignonszooss fir Pasta
Op Basis vu Cashewnëss
Veganen Cheesecake Parfait
E schnellen Dessert, perfekt fir Vältesdag
Verwuerelter
Déi vegan Versioun vum Lëtzebuerger Klassiker fir Fuesent
Nuddele mat rouder Paprikazooss
Crèmeg Zooss mat gereechertem Paprika
Vegan Carbonara
E Pasta-Klassiker, veganiséiert
Vegane French Toast
Perfekt fir ee séisse Brunch!
Pizza
En einfacht Rezept fir e flotte Pizzaowend doheem
Pho Zopp
Vietnameesesch Zopp mat Nuddelen
