The Jazz Chronicles

Emmer méi Bands besënnen sech mëtt der 1970er Joren zréck op déi akustesch Musék. Den Thelonious Monk spillt säi leschte Concert, den Herbie Hancock vereent mat VSOP séng al Band mat Memberen aus dem Miles Davis séngem Quintett, a Japan blitt als nei Jazzhéichbuerg mat Concerten an Tournéen an neie Festivals op. Och japanesch Muséker bréngt et an d'Vereenegt Staten: d'Toshiko Akiyoshi as ee Parade-Beispill. Den Jaco Pastorius bréngt säin eponymen Chef d'Oeuvre eraus, an d'Gebuertdagskand vum Dag as den Tenorsaxofonist Ben Wendel. Présentéiert vum Pol Belardi